لاهور(اسپورٽس نيوز) ڏکڻ آفريڪي ڪرڪيٽر هرشل گبز ڪشمير پريميئر ليگ ۾ شرڪت کان روڪڻ لاءِ ڀارت طرفان ڌمڪيون ملڻ جو انڪشاف ڪيو آهي. ٽوئٽر تي جاري ڪيل بيان ۾ هرشل گبز چيو ته ڀارتي ڪرڪيٽ بورڊ ڌمڪائي رهيو آهي، بي سي سي آءِ غير ضروري طور پاڪستان سان پنهنجي سياسي ايجنڊا وچ ۾ آڻي رهيو آهي. هرشل گبز چيو ته مونکي ڪي پي ايل ٽي ٽوئنٽي ۾ کيڏڻ کان روڪڻ جي ڪوشش ڪئي پئي وڃي ۽ ڌمڪي ڏني پئي وڃي ته ڀارت ۾ انٽري جي اجازت نه ڏني ويندي.
