واشنگٽن (م ڊ) آمريڪا جي اڳوڻي صدر ڊونلڊ ٽرمپ فرد جرم ۾ لڳايل الزامن کي رد ڪندي پاڻ کي بيگناهه قرار ڏئي ڇڏيو. امريڪي ميڊيا موجب، اڳوڻو صدر ڊونلڊ ٽرمپ واشنگٽن ڊي سي جي عدالت ۾ پيش ٿيو.امريڪي ميڊيا جو چوڻ آهي ته جج ڪيپيٽل هل تي 6 جنوري جي واقعي سان لاڳاپيل چار الزام پڙهي ٻڌايا ۽ ايندڙ ٻڌڻي 28 آگسٽ تي مقرر ڪئي. آمريڪي ميڊيا موجب ڊونلڊ ٽرمپ خلاف ڪيس جي ٻڌڻي صدارتي بحث کان پنج ڏينهن پوءِ ٿيندي. اڳوڻي صدر تي الزام آهي ته هن 2020 جي چونڊن جي نتيجن کانپوءِ غيرقانوني طور تي عهدي تي رهڻ جي ڪوشش ڪئي هئي. آمريڪي ميڊيا جو چوڻ آهي ته ڊونلڊ ٽرمپ تي الزام ثابت ٿيڻ جي صورت ۾ کيس 55 سال قيد جي سزا ٿي سگهي ٿي. ان موقعي تي اڳوڻي صدر ڊونلڊ ٽرمپ الزام هنيو ته کيس جوبائيڊن جي ڪري گرفتاريءَ جو منهن ڏسڻو پئجي رهيو آهي. ڊونلڊ ٽرمپ موجب، بائيڊن ۽ سندس خاندان ڪيترن ئي ملڪن مان ڪروڙين ڊالر رشوت وٺي رهيا آهن…..
