ڪشمور (رپورٽر) ڪشمور مان ڏيڍ مهينو اڳ اغوا ٿي ويل هندو نوجوان ساگر ڪمار بازياب ٿي ويو ، نوجوان جي پوليس اهلڪارن سان تصوير وائرل ٿي وئي آهي. نوجوان ساگر ڪمار کي ڪشمور پوليس ڪچي واري علائقي ۾ مقابلي کانپوءِ بازياب ڪرائڻ جي دعوى ڪئي.ٻئي پاسي ساگر ڪمار گنگلاڻي جي بازيابي واري خبر تي شهرين جو وڏو انگ پنچائتي هال وٽ گڏ ٿي ويو.ٻڌايو پيو وڃي ته پوليس پاران نوجوان  ساگر ڪمار جي وارثن کي سندس بازيابي جي اطلاع ڏني وئي آهي جڏهن ته صبح جو کيس وارثن حوالي ڪيو ويندو.