ڪراچي (م ڊ) پاڪستان ۽ ڏکڻ آفريڪا جي عورت ڪرڪيٽ ٽيمن جي مان ۾ نگران راندين واري صوبائي وزير ڊاڪٽر جنيد علي شاهه طرفان آجياڻو ڏنو ويو جتي ٻنهي ٽيمن کي اجرڪ جو تحفو پيش ڪيو ويو. تقريب ۾ اڳوڻي ٽيسٽ ڪرڪيٽر معين خان، اڳوڻي اولپميئن صلاح الدين، نگران گهرو وزير بريگيڊيئر رٽائرڊ حارث نواز، ترڪي جي قونصل جنرل ۽ سينيئر مينيجر نيشنل بينڪ اسٽيڊيم ارشد خان شرڪت ڪئي. تقريب جي موقعي تي عورت رانديگر روايتي مهمان نواز سان گڏ ثقافتي موسيقي سان به لطف اندوز ٿيون.ان موقعي تي اڳوڻي ٽيسٽ ڪرڪيٽر معين خان ۽ صلاح الدين طرفان پاڪستاني وومينز ٽيم کي ٽي ٽوئنٽي سيريز کٽڻ جي مبارڪباد ڏني ۽ ون ڊي سيريز لاءِ نيڪ خواهشن جو اظهار ڪيو.
