راڻيپور (رپورٽر) راڻيپور ۾ پير جي حويلي ۾ سام طور ترسايل ناريءَ جي قتل ٿيڻ جو شڪ ظاهر ڪيو ويو آهي. قمبر جي ڳوٺ ميڻان واسڻ 20 ورهين جي ناري ثناءُ ڏيڊ سال کان پير سهيل شاهه جي حويلي ۾ سام طور ترسيل هئي. ناري جي پيءُ ديدار گراماڻي ٻڌايو ته ڏيڊ سال اڳ گهرو معاملي تان ڌيءُ ثناءُ کي سام طور پير سهيل شاهه جي حوالي ڪيو هو. هن ٻڌايو ته پير سهيل شاهه فون ڪري ٻڌايو ته سندس نياڻي گم ٿي وئي آهي، هو جڏهن درگاهه تي ويا ته پير سهيل شاهه وارن کين ڌڪا ڏئي ڪڍي ڇڏيو. ناري جي پيءُ ديدار گراماڻي چيو ته هو راڻيپور ٿاڻي تي ڪيس داخل ڪرائڻ لاءِ ويا ته پوليس ڪيس داخل ڪرڻ کان انڪار ڪيو. هن چيو ته شڪ آهي ته ڌيءُ کي قتل ڪيو ويو آهي، نوٽيس وٺي انصاف ڪيو وڃي .
