ڊيرا مراد جمالي (م ڊ) ڊيرا مراد جمالي ويجهو ڪرنٽ لڳڻ سبب زال مڙس ۽ سندن ٻن پٽن سميت پنج ڄڻا فوت ٿي ويا، بجلي جي ٽرانسفارمر ۾ مبينا فني خرابي سبب واقعو پيش آيو. ڍالڍي مل ويجهو گهر اندر بجلي جو ڪرنٽ لڳڻ سبب شهري عبدالحئي شيخ سندس گهر واري بي بي شبيها ۽ سندن پٽ عبدالقيوم ۽ عظيم سميت 5 ڄڻا فوت ٿي ويا. اطلاع تي پوليس واقعي واري هنڌ پهچي لاش کڻائي اسپتال منتقل ڪيا، جتان ضروري ڪارروائي بعد مڙهه وارثن حوالي ڪيا ويا. فوتين جا لاش گهر پهچائڻ تي گهر ڀاتين ۾ ڪهرام مچي ويو. بجلي جي ٽرانسفارمر ۾ مبينا فني خرابي سبب واقعو پيش آيو.
